Pas Haradinajt, Gjykata e Hagës thërret një tjetër luftëtare të UÇK-së

Pas kryeministrit, Ramush Haradinaj, është deputetja e AAK-së Time Kadrijaj, e cila ka lajmëruar se është e thirrur nga Zyra e Prokurorit të Specializuar në Hagë, që po heton krimet e kohës së luftës dhe pas luftës në Kosovë.

Në një postim në rrjetet sociale, Kadrijaj shkruan se do të merret në pyetje në shtator nga prokurorët e Hagës.

“Nuk jam aspak e trishtuar për pasojat ligjore, sepse lufta jonë ka qenë e pastër si lot dhe kjo do të dëshmohet prapë, por jam e shqetësuar për ftesat e njëpasnjëshme të kësaj gjykate, të cilat për bazë kanë vetëm pretendimet politike të Serbisë dhe ta merr mendja që po kanë pasoja politike për Kosovën, e cila më në fund ka filluar të flasë me zërin e vet,” shkroi Kadrijaj në Facebook.

Ajo ka shërbyer si mjeke në spitalet ushtarake të Ushtrisë Çlirimtare të Kosovës në zonën e Dukagjinit gjatë luftës