Një ngjarje e pazakontë ka alarmuar pak minuta më parë Tiranën.
Mësohet se një mjet i blinduar që shërben për transportin e parave ka marrë flakë gjatë momentit që po ecte në rrugën “Fortuzi” në kryeqytet.
Mjeti është përfshirë nga flakët në pjesën e përparme si pasojë e mbinxehjes së motorit.
Nuk raportohen dëme të mëdha nga diegia, ndërsa ndërhyrja e një zjarrëfikëse ka mundur të shmangë shpërthimin e baterisë së mjetit.
Ngjarja ka bllokuar për disa minuta trafikun në rrugën “Fortuzi”.
Policia ka mbërritur në vendngjarje dhe po heton mbi arsyet dhe shkaqet e rënies së zjarrit.
