Pamje skandaloze në mes të Tiranës, shikoni se çfarë ka ndodhur me pemët dhe trotuaret (FOTO)

Të gjithë ata që jetojnë në kryeqytet përballen në përditshmërinë e tyre shpeshherë me pamje aspak të këndshme për syrin.

Këtë rradhë bëhet fjalë për një rrugë të ndodhur në qendër të Tiranës, e cila ka rënë pre e një sulmi vandal, ku sic shihet edhe nga fotot e mbërritura në redaksinë e Fast News Albania, dikush ka spërkatur me bojë të bardhë pemët dhe trotuaret e zonës.

Nuk kemi të bëjmë me rrugët e një fshati apo province, përkundrazi kjo pamje ndodhet në rrugën “George Bush” pranë godinës së Parlamentit.

Një peisazh aspak i zakonshëm ky, duke menduar se Tirana tashmë është një kryeqytet që aspiron të integrohet në Europë.

Mesa duket për shumë njerëz është ende e vështirë të respektohen rregullat e komunitetit, dhe e vetmja mënyrë për ta që të shfryjnë dufin dhe mllefin e tyre ndaj pakënaqësive, është përdhosja dhe ndotja e rrugëve të qytetit.