LIGJET E BIZNESIT
Ish-deputeti i Kosovës dhe njëkohësisht këngëtari i njohur Labinot Tahiri ka zhvilluar një komunikim me qytetarët në një video live në rrjetin social Facebook.
Gjatë kësaj video Tahiri ka folur rreth aderimit të tij në AAK dhe rreth politikës.
Por mesa duket ai ka mbetur i pakënaqur me disa ndjekës që e kanë kritikuar dhe iu është drejtuar me një ton ofendues dhe kërcënues.
“Kush më shanë e ka të sharë, jo veç sot, po prej që kam hy në politikë. Kështu që kujdes, se edhe unë kam gjak shqiptari”, tha Tahiri në videon e tij LIVE në Facebook.
Ai më tutje është shprehur se ka lidhje me politikën dhe ka treguar që dikur i ka sharë edhe nëpër komente.
“Keni thanë që skam lidhje në politikë, por do ta shihni se kam lidhje shumë me politikë. Dikur kam sha edhe nëpër komente, por tani nuk shajë më, se e kam pa që keni të drejtë edhe ju me folë”.
“Jeni me fat që ka shumë vajza e zonja këtu se pasha besën e Zotit kurrë nuk kishit ditë me sha”, ka vazhduar Tahiri.
