Është mbyllur në barazim ndeshja e parë e javës së dytë të Superligës shqiptare mes Tiranës dhe Teutës.
Sfida e zhvilluar në “Selman Stërmasi” pati një sërë problemesh, teksa në minutën e 22 u ndërpre për shkak të problemeve në sistemin e ndriçimit të stadiumit.
Tirana zhvilloi një ndeshje shumë të mirë, duke i shkuar disa herë pranë golit, por mungoi konkretizimi para portës.
Edhe Teuta i pati rastet e saj, por durraskët u nxituan shumë në momentin final për ta shtyrë topin drejt rrjetës.
Pas këtij barazimi të dyja skuadrat kanë nga 4 pikë në dy ndeshjet e para. Sakaq katër ndeshjet e tjera të javës së dytë të Superligës do të luhen nesër.
