Njihuni me kandidaten e parë për kryeministre në Kosovë

Për zgjedhjet e 6 tetorit në Kosovë, partia Lidhja Demokratike, vendosi që kandidojë Vjosa Osmanin për kryeministre.

Vendimi për kandidimin e saj u mor në mbledhjen e kryesisë së Lidhjes Demokratike e cila diskutoi edhe për koalicionet e mundshme para zgjedhjeve të reja të parakohshme që do të mbahen me gjashtë tetor.

Vjosa Osmani është një emër i relativisht në politikën kosovare, teksa më herët ajo ka qenë edhe krahu i djathtë i ish-presidentit të Kosovës, Fatmir Sejdiu.

Ajo është një kundërshtare e hekurt e ndryshimit të kufijve të Kosovës, por edhe një figurë që i ka mbrojtur gjithnjë parimet e saja në skenën politike. Osmani nuk e ka mbështetur LDK-në gjatë koalicioni me PDK-në duke qenë e vetmja që ka dalë kundër partisë së saj.

Në fjalën e saj Osmani ka falënderuar të gjithë për përkrahjen, duke premtuar se së bashku me të gjithë LDK-në si ekip do të punojnë për të larguar klasën e korruptuar nga pushteti.

Në mesin e kandidatëve të tjerë për kryeministër të ri të Kosovës, Osmani, është e vetmja që shikohet si një figurë e re.