“Një rikthim në shtëpi” Konfirmohet lëvizja, Sokol Balla i bashkohet News 24

Ditën e sotme gazetari dhe moderatori i emisioneve politike Sokol Balla u prezantua si pjesëtari më i ri i televizionit informative News 24.

Balla u njoh sot me ambientet e televizionit dhe u shoqërua nga presidenti i “Hysenbelliu Group”, Irfan Hysenbelliu.

Hysenbelliu e konsideroi afrimin e Sokol Ballës si një zgjedhje e duhur për News 24.

‘’Me ‘News24’ kemi marrë një nga drejtuesit më me emër dhe një drejtues me rëndësi të dy televizioneve kombëtare. Kam besim që stafi drejtues dhe unë kemi bërë zgjedhjen më të mirë me Sokol Ballën, i cili do të ketë drejtimin e emisionit politik”, tha Irfan Hysenbelliu.

Emisioni i Sokol Ballës “Real Story” do të transmetohet 4 herë në javë për teleshikuesit nga ora 21:00 deri në 23.00.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se Sokol Balla ka punuar vite më parë të News 24 dhe më pas u largua për në Top Channel, ku drejtoi emisionin “Top Story”, ku kishte dhe detyrën si drejtor informacioni.

Dy vitet e fundit ai moderoi emisionin “Real Story” në Vizion Plus.