Në kërkim për pengmarrjen e dy vëllezërve, arrestohet “i forti” i Lazaratit (EMRI)

Policia e Gjirokastrës ka arrestuar ditën e sotme Bako Buzherin, anëtar të një bande kriminale në Lazarat.

Ndalimi i tij u bë nga një patrullë policie edhe pse Buzheri ka tentuar të largohet në momentin që është pikasur.

I arrestuari ka qenë në kërkim nga drejtësia për shkak të problemeve të tij lidhur me të kaluarën.

Në vitin 2016, ai goditi me grusht një efektiv të policisë në Tiranë dhe u arrestua për posedim dhe trafikim të lëndëve narkotike bashkë me Tahir Brahimin.

Por, 7 vite më parë, në 4 mars 2012 së bashku me 6 persona të tjerë, Bako Buzheri morën peng vëllezërit Ergest dhe Velo Shela, pasi dyshonte se këta i kishin grabitur një sasi droge.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Prokuroria e Krimeve të Rënda kërkoi dënimin e grupit me 105 vite burg (Bako Buzheri me 21 vite nga pretenca). Por, Gjykata e Apelit e shpalli të pafajshëm.

Ai ishte shpallur në kërkim nga Policia e Shtetit.