Ndodh edhe kështu, njerëzit do të organizojnë një protestë kundër…ndarjes së Robert Berishës nga Nora Istrefi

Mund të tingëllojë si e çuditshme por është e vërtetë, të paktën kështu po diskutohet deri tani në rrjetet sociale.

Njerëzit kanë vendosur të organizojnë një protestë kundër ndarjes së Nora Istrefit dhe Robert Berishës dhe kjo iniciativë është marrë nga një faqe në Facebook.

Kukuneës.net, një faqe me më shumë se 83.000 ndjekës, para pak orësh ka lajmëruar se do të organizojë një protestë kundër ndarjes së Norës dhe Robertit.

“Protestë kundër ndarjes së Robertit me Norën dhe probleme të tjera”, është titulli i eventit i cili shton se: “U ndanë Blero me Teutën, heshtëm. U ndanë 53 milionë për Bechtel Enken, heshtëm. U ndanë VV-ja, po ashtu heshtëm. Nuk mund ta përjetojmë edhe një tjetër ndarje. Andaj, të dielën, mblidhemi tek sheshi i heroit kombëtar, Zahir Pajaziti, për ta thyer heshtjen, dhe për t’i thënë JO NDARJES mes Robertit dhe Norës….

Pos kësaj JO-je të MADHE për ndarjen, ti themi JO edhe shumë problemeve në Kosovë”.

Ende nuk dihet nëse ky organizim është thjesht një shaka e rrjetit për të ironizuar indiferencën e njerëzve ndaj problemeve më të mëdha që ka shoqëria, apo është një gjë që do të realizohet me të vërtetë.

Deri atëherë nuk na mbetet gjë tjetër veç se të presim datën për të parë se çfarë do të bëhet.