Çrregullimet e motit ditën e kanë sjellë pasojat e para det, ku ka pasur dallga të forta dhe ka qenë e vështirë për të lundruar.
Ka qenë një jaht, i cili është gjendur në vështirësi për shkak të kushteve klimaterike.
Jahti ishte nisur nga Korfuzi për në Kroaci por për shkak të motit të keq që përfshiu pasditen e sotme Adriatikun është detyruar të kërkojë ndihmë, bën me dije Panorama. Veliera pësoi defekt në det rreth 5 milje nga Durrësi, ndërsa Kapitaneria nisi menjëherë mjetin “Joni”, i cili e rimorkioi deri në Port.
Të 7 personat ne bord janë në gjendje te mirë shëndetësore, dhe falënderuan Kapitanerinë e Portit Durrës si dhe ekuipazhin e Rimorkiatorit për ndihmën e dhënë!
