LIGJET E BIZNESIT
Lidhur me temën më të përfolur të ditëve të fundit monumenti në nderim të 15 korrikut në Turqi ka folur edhe avokati i njohur, Spartak Ngjela.
Përmes një postimi të shpërndarë në facebook, Ngjela shkruan se mund të ketë të ngjarë që për këtë çështje të ketë edhe ndonjë pak të fshehtë.
Ai pyet në lidhje me këtë gjë dhe kërkon nga kryeministri Rama një përgjigje sa më të shpejtë.
“Ku e gjen të drejtën Ambasada e Turqisë për të bërë një marshim antishqiptar në Tiranë se na paska shpëtuar Erdogani nga një grusht shteti?
Ç’i duhet Shqipërisë dhe shqiptarëve është apo nuk është Erdogani në pushtet në Turqi! Shqiptarët as që duan t’ia dinë kë rrëzon Erdogani e kush kërkon ta rrëzojë Erdoganin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kryeministri Rama duhet të përgjigjet, në të kundër këtu ka një marrëveshje sekrete, e cila është krim shtetëror.
Deri tani shteti shqiptar nuk është përgjigjur. Ministria e jashtme thotë “nuk di gjë”.
Po pse, çfarë është Shqipëria, një terra nullis, tokë e askujt?
Me që qeveria shqiptare nuk pranon të përgjigjet, sepse siç duket, e di veten një këshill mbretëror me fuqi absolute, është i detyruar t’i përgjigjet opinionit publik kryetari i Kuvendit të Shqipërisë: çfarë është ky memorial turk fyes për shqiptarët që vendoset në Tiranë?
Dhe të vendosë shkuljen e tij, sa më shpejt që të jetë e mundur”, ka shkruar Ngjela.
