Momente tmerri/ Gjak e britma, si i sulmoi pronari në Himarë turistët spanjollë, theu xhamin e u var në kofano për tre km (VIDEO)

Një ngjarje e rëndë ka ndodhur dy ditë më parë në Porto Palermo të Himarës,  ku pronari i restorant “Panorama” Mihal Kokëdhima , ka sulmuar një grup turistësh spanjollë, pasi këta të fundit refuzuan porosinë që kishin kryer.

Në një mënyrë krejtësisht të pazakontë dhe të frikshme, ai është hedhur përpara furgonit ku udhëtonin turistët dhe teksa automjeti është në ecje, ai godet me grushta xhamin përpara duke e thyer e duke u  gjakosur.

Brenda furgonit turistët kanë përjetuar tmerr për gjashtë minuta rresht.

Si shihet dhe në video, furgoni drejtohet nga një shofer shqiptar ku dhe pasagjeri i parë është shqiptarë, ndërsa pasagjerët mbrapa shtetasit spanjollë janë tërësisht të frikësuar.

Ata kanë njoftuar të tmerruar policinë, ku janë nisur nga Porto Palermo dhe ndodhen në Qeparo për të shkuar në Sarandë ku dhe do të dorëzonin pronarin e egërsuar.

Skena mund të ishte kthyer në tragjedi, ku për tre kilometra rresht, turistët spanjollë bërtasin dhe shoferi i kërkon të zbresë pasi kështu po rrezikonin jetën.

Madje ka qenë dhe vetë pronari Mihal Kokëdhima , I cili k kërkonte shoferit të ndalojë pasi nuk mund të qëndrojë më në xham dhe ka problem me këmbën.

Por edhe pse ai zbret për një moment 51-vjecari Mihal Kokëdhima kërkon të hapë derën e furgonit dhe të sulmojë sërish turistët.

Pjesë nga biseda:

Mihal Kokëdhima: Mbaje, mbaje, mbaje se do hidhem unë po mbaje – o ç’vdiqa, mbaje këtu të thash se do vdes këtu

Shqiptarët në furgon: Zbrit nga makina tani, zbrit poshtë

Po na ndjekin nga mbrapa të tjerët

Nuk do ndaloj fare, do shkoj në polici direkt

Merrni policinë, Hajdeni se na vrau, do vijë këtu policia, në Sarandë do vemi

Shkoni në polici kështu

Telefonata me policinë: Ngrini postbllok në Qeparo…erdhën me thika, kanë thyer makinën

Në atë moment në rrugë shihet teksa kalon edhe një furgon policie i FNSH-së i cili ka ndërhyrë menjëherë duke arrestuar Kokedhimen.

Ndërkohë, nga sa dëgjohet nga cfarë thonë shqiptarët, turistët spanjollë nuk donin të hanin ushqimin e porositur në restorantin e Mihal Kokëdhimës në Porto Palermo për shkak të shërbimit të keq, por pronari i është sulur duke i ofenduar dhe i ka ndjekur edhe pasi ata janë larguar me furgon,. duke ju hedhur mbi xham.

Shqiptarët dëgjohen të thonë se pas tyre është edhe një tjetër automjet që po i ndjek, ndërsa thonë se kishin edhe armë të ftohta. Mihal Kokëdhima tashmë është i arrestuar nga policia.

Mihal Kokëdhima akuzohet tani për ‘kanosje’, “dëmtime të tjera me dashje’ dhe ‘shkatërrim prone’.