LIGJET E BIZNESIT
Aksioni anti informalitet i nisur para pak ditësh po vijon në të gjithë vendin pa asnjë cedim.
Sot në terren ishin dy ministrat, Çuçi dhe Denaj, të cilët panë nga afër aksionin e bërë në bregdetin e Jonit, ku janë edhe bizneset më të shumta që janë kapur në shkelje të rregullave tatimorë.
Në fjalën e saj, ministrja Anila Denaj, u shpreh se nuk do të tolerohet asnjë shkelës dhe se deri më tani janë konstatuar më shumë se 750 biznese në kundërvajtje ligjore.
“Janë 750 biznese nga Vlora në Sarandë. 40% e bizneseve kanë rezultuar në shkelje. Brenda gushtit do dalim me një paketë të plotë ligjore për të goditur të gjithë elementët e plotë të paligjshmërisë. Sikurse kemi parë edhe në evidencat e shkeljeve, të lëshimit të kuponit, të vendosjes së shiritit ndodh që pas tre ditësh të hiqet shirit kundrejt rregullave juridikisht të sakta sot me një vendim gjykate. Kjo paketë ligjore e cila po punohet do të synojë një goditje të plotë juridike pa qenë nevoja për një procedurë kaq të koklavitur e cila në fund nuk e godet paligjshmërinë”, tha Denaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
