LIGJET E BIZNESIT
Presidenti Ilir Meta gjatë konferencës për shtyp është shprehur se në rast se palët politike reflektojnë do të marrë të gjithë mediat botërore dhe do të shkojë të varri I Ramiz Alisë për të cuar një tufe me lule.
Në këtë rast ai paralajmëron se do të tregojë dhe përgjegjësinë që ka ndaj vendit për krizën që po kalon.
“Unë falëndëroj qytetarët për qetësinë që kanë treguar deri tani ka qenë një krizë shumë e fortë dhe e thellë por me reflektim të të gjithëve kjo mund të zgjidhet.
Nuk besoj në zgjidhjet e shpejta ëndërrimtare por hap pas hapi, dhe hapi i parë është zbatimi i dekretit të presidentit për datën 13 tetor dhe hapi i dytë të votohet edhe presidenti në 13 tetor. Të gjithë duhet të mbajnë përgjegjësinë e tyre, nuk vazhdon kjo duke u fshehur përballë një situate që nuk na nderon.
Përndyshe do më detyrojnë të thërras gjithë mediat botërore dhe të vë një buqetë me lule të varri i Ramiz Alisë se edhe pse ishte udhëheqës i fundit komunist dhe kishte ardhur me luftë në pushtet dhe se e dinte që ishte krijuar një armiqësi e tmerrshme në vend, përsëri tregoi përgjegjshmërinë e tij, sot e vlerësojmë shumë herë më tepër pas këtyre gjërave që po na shohin sytë, për të ctensionuar gjithë atë tension për të shtyrë zgjedhjet e për ti dhënë mundësi opozitës në atë kohë të merrte pjesë ne zgjedhje.
Tani ne s’duhet të vonohemi më tej, natyrisht është një gushti dhe secili edhe mund të pushojë e reflektojë pak, por shtatori është shumë vonë dhe pas 13 tetorit nuk na duhet asnjë marrëveshje, thjesht shpëtojmë karrierat tona për të ardhmen se Shqipëria do vazhdojë të dalë nga rruga e saj e integrimit evropian”, u shpreh Meta gjatë fjalës së tij.
