Meta mesazh opozitës që në mëngjes, i kujton rastin e Serbisë: Nëse do kishin pritur të dënonin Millosheviçin….

Presidenti Ilir Meta ka dhënë një tjetër mesazh të fortë për opozitën.

Duke kujtuar se 18 tetori po afron dhe se zgjedhjet janë e vetmja zgjitdhje për vendin, ai i kujton atyre rastin e Serbisë dhe shkruan nëse opozita serbe do të priste që Milloshevici të dënonte Millosheviçin apo të garantonte zgjedhje të lira dhe të ndershme, padyshim që edhe sot e kësaj dite ai mund të ishte në pushtet po mos i pushonte zemra.

STATUSI I PLOTE I PRESIDENTIT ILIR META

Zgjedhjet janë e vetmja zgjidhje. Vetëm duke qëndruar në anën e ligjshmërisë dhe pjesëmarrjes në institucione, opozita mund të ndihmojë vendin, demokracinë, drejtësinë, por edhe vetveten. Nëse opozita në Serbi do të priste që Millosheviçi të dënonte Millosheviçin, apo të garantonte zgjedhje të lira e të ndershme, padyshim që edhe sot e kësaj dite ai mund të ishte në pushtet po të mos i pushonte zemra.
Por opozita mori vendimin më të drejtë duke u bashkuar, duke u përballur me të dhe duke e mundur. Më pas i vuri prangat dhe e përcolli për në gjykatën e Hagës. Ndaj zgjedhjet janë e vetmja zgjidhje për demokraci dhe drejtësi.
Çdo gjë tjetër është justifikim, alibi dhe bashkëfajësi!
18 tetori po afron!