Meta e nis ditën me librin historik në duar, nxjerr mesazhin domethënës: Marrëveshje që nuk duhet të përsëriten

Periudhën e pushimeve që po kalon në mal, presidenti Ilir Meta po e shfrytëzon edhe për pasione të tjera të tij.

Një nga këto pasione mesa duket është dhe leximi i librave.

Këtë mëngjes ai ka publikuar një foto, teksa mban në duar librin e autorit Ilir Ikonomi me titull “Esat Pashë Toptani: Njeriu, Lufta, Pushteti.”

Nëpërmjet fotos presidenti përcjell dhe një mesazh ku shkruan “Një libër që duhet lexuar për histori që nuk duhen harruar dhe marrëveshje që s’duhet të përsëriten” shkruan Meta.

Nuk dihet saktësisht se cfarë ka dashur të thotë presidenti me këtë mesazh, por kujtojmë se para disa kohësh në një konferencë për shtyp, ku diskutonte për krizën politike, ai u shpreh se ishte një politikan I rracës së Avni Rustemit, ku ky I fundit ishte ai që vrau Esat Pashë Toptanin.