LIGJET E BIZNESIT
Kryeministri Edi Rama nuk është duke pushuar jashtë vendit.
Me një status në rrjetet sociale, kryeministri thotë se lëvizja për pushim është e kufizuar brenda kufijve të Shqipërisë jo vetëm për të, por edhe për ministrat.
Rama thotë se që nga viti 2013 nuk ka shkuar asnjë ditë me pushime jashtë vendit.
Rama kështu përgënjeshtron mediet greke dhe thumbon ato në Shqipëri që nuk e verifikuan këtë lajm.
“Madje që ta merrni vesh me këtë rast, meqë s’e dini akoma (sepse gjërat kuptimplota në përgjithësi, e ato të qeverisjes në veçanti nuk ju interesojnë): Lëvizja për pushime është e kufizuar brenda kufijve të Shqipërisë edhe për ministrat. Kështu që kalinihta nga Surreli pedhaqia. Mirë një kazan grek, po ju në Shqipëri o ju marrsha të ligat s’e verifikonit dot njoftimin e atij kazani, isha këtu apo kisha ikur fshehurazi me pushime në Greqi? Jo në Greqi, po askund përveçse në Shqipëri, s’kam bërë e s’bëj pushime si KM, qysh nga vera e 2013 deri në verën 2020 e X!”-shkruan Rama.
