Mbi 800 persona “në kurth”/Dalin detaje të reja nga skema e mashtrimit të “Fondit Besa”

Detaje të reja kanë dalë nga skema e mashtrimit në fondacionin “Besa”, me kreditë fiktive. Mësohet se janë prekur mbi 800 persona nga kjo skemë mashtrimi me “kokën e kësaj bande”, drejtoreshën e filialit, Albana Imami. Kjo cështje ka prej mëse një viti që ka nisur, nga ku me anë të kësa skeme janë përfituar 3.7 milionë euro.

Nga goditja e grupit u vunë në pranga 7 persona, drejtoresha e fondacionit, sekserët, oficerët dhe ish-oficerët e kredive, ndërsa një tjetër u vu në kërkim.

Për të 8 punonjësit rëndojnë akuzat për veprat penale “Skemës mashtruese dhe Piramidale” si dhe “Vjedhja duke shpërdoruar detyrën”.