“Mami të lutem mos vdis”, burri vret gruan në sy të vajzës 10 vjeç

Gjithë Turqia është tronditur nga një ngjarje e rëndë e ndodhur në një qytet të vogël.

Burri në gjendje xhelozie ka ekzekutuar  gruan e tij në sy të vajzës së vogël, 10 vjeç. Burri e  ka vrarë bashkëshorten e tij, 38-vjeçare me thikë gjakftohtësish.

“Nuk dua të vdes”, ishin fjalët e fundit të Emine Bulut ndërsa vajza e cila ka parë skenën monstruoze ka thënë: “Mami të lutem mos vdis”, shkruajnë mediet turke.

Ngjarja e rëndë është bërë shumë e përhapur në mediet sociale dhe ka sjellë reagimin e shumë personaliteteve të njohura turke për brutalitetin e krimit dhe fëmijën, i cili tashmë do të jetë me traumë gjithë jetën.