LIGJET E BIZNESIT
Shqipëria është një nga vëndet më të varfra, por paradoksalisht nuk do të gjeni në asnjë vend të botës politikanë më të pasur se këtu.
Rasti i ministres së drejtësisë Etilda Gjonaj që pagoi 700 euro për një natë në hotel është vetëm maja e ajsbergut.
Më poshtë do rendisim emra të tjerë politikanësh që jetojnë të “krimbur” në miliona.
Elisa Spiropali ka në përdorim një makinë të makinë të shtrenjtë tip “Mercedez Benz GLA 200” me vlerë minimalisht 50 mijë euro, shkruan newsbomb.al.
Ndërsa ora e saj e dorës kushton 3 mijë dollarë.
Ministri i Jashtëm Gent Cakaj shkoi të darkonte në restorantin e famshëm të turkut Nusret,, ku një darkë minimaliste aty kushton 1400 euro.
Presidentit Meta ia kanë të gjithë zili vilën në fshatin turistik me sipërfaqe 317 m2 të Gjirit të Lalzit në Durrës, ku vlera e saj e kalon shumën e 400 mijë eurove.
Bunkeri i kryeministrit Rama në Surrel të Tiranës mund të duket një gjë “demode” por kushton mbi 396 milionë lekë.
Lulzim Basha,ndonëse në opozitë nuk është keq me pasuritë, shtëpia në Holandë e Bashës kushton 232 mijë euro, ndërsa apartamenti në Tiranë 205 mijë dollarë.
Kryetari i opozitës ka një gjithashtu në pronësi një apartament 33 mijë euro në Durrës dhe një tjetër apartament në Tiranë me vlerë 62 mijë dollarë.
Për t’u rikthyer te qeveria, mos harroni Jaguarët…
Në mars të vitit 2015 qeveria vendosi marrjen e 44 makinave me qira, nga të cilat: 8 për kryeministrin, 14 për Këshillin e Ministrave, 4 për kryetarin e kuvendit, 2 për presidentin dhe nga një për 16 ministri të tjera të linjës.
Një makinë e markës Jaguar kushton 95 mijë dollarë.
Politikanët tanë e kanë siguruar jetën për vete, për fëmijët që i kanë nëpër botë e madje edhe për fëmijët e fëmijëve.
Në fund një gjë është e sigurtë…Ky luks e kjo pasuri nuk vjen kurrsesi nga një rrogë mujore…
