Kufoma që u gjet në Durrës, policia jep detaje të reja për ngjarjen e rëndë

Detaje të reja kanë dalë nga Policia për kufomën që u gjet sot në mëngjes nga nje peshkarexhë në Durrës.

Sipas njoftimit zyrtar të policisë bëhet me dije se në trupin e gjetur nuk ka shenja dhune dhe nuk ka qenë i mbështjellë por i dekompozuar nga lagështia.

NJOFTIMI ZYRTAR I POLICISE

Më datë 18.08.2019, në orët e para të mëngjesit, një peshkarexhë që kishte dalë për gjueti, rreth 4 milje larg Durrësit duke ngritur rrjetat dhe ka konstatuar në rrjeta një trup të pajetë të seksit mashkull.

Kufoma është transportuar në morgun e spitalit për ekspertizë mjeko-ligjore.

Nga ekspertiza e jashtme, trupi nuk ka qenë i lidhur apo i mbështjellë.

Nga kqyrja nuk janë evidentuar shenja dhune apo dëmtime të ndonjë natyre tjetër.

Trupi ishte i veshur me rroba, i janë evidentuar gjithë gjymtyrët, por është dekompozuar për shkak të lagështisë.

Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes.