Krijuan aplikacionin e veçantë në konkursin e teknologjisë, tre gjimnaziste shqiptare fitojnë vendin e parë në botë

Tre vajza nga Shqipëria, Dea Rrozhani, Arla Hoxha dhe Jonada Shukarasi, janë shpallur fituese të vendit të patë në konkursin “Technovation Challenge”, që zhvillohet në atë njihet si shtëpia e shumë kompanive që operojnë në fushën e teknologjisë, Silicon Valley në San Francisko.

Vajzat gjimnaziste konkuronin me aplikacionin e tyre të quajtur “GjejZâ” ose “gjej zërin”, një aplikacion që u vjen në ndihmë grave e vajzave të dhunuara.

“Technovation Challenge” fton çdo vit grupe vajzash nga e gjithë bota të vënë në përdorim aftësitë e tyre për të zgjidhur probleme të komunitetit ku ato jetojnë nëpërmjet teknologjisë.

Tre vajzat, të cilat u përfaqësuan si një grup i njohur me emrin “D3c0ders”, falë aplikacionit të tyre kanë arritur ta çojnë Shqipërinë për herë të parë në finale, madje duke e fituar atë.