Iu sekuestruan 1.5 milionë euro, kush është ish-zyrtari i lartë që u arrestua në Tiranë (EMRI)

Detaje të tjera kanë dalë nga operacioni i koduar “Investimi”, ku iu sekuestruan 1.5 milionë euro llogari bankare një ish-zyrtari të lartë.

Mësohet se pasuria i përket ish-kreut të ALUIZNIT për Tiranën, Ferdinand Shehu.

Ai u shkarkuar nga detyra në vitin 2011 nga Shaban Memia, pasi kishte fshehur të kaluarën e tij komuniste, ku kishte shërbyer si hetues në qytetin e Vlorës.

Policia deklaron se Shehu se ka konsumuar veprën penale “Pastrimi i produkteve të veprës penale”, parashikuar nga neni 287 i Kodit Penal, duke kryer disa investime në pasuritë e paluajtshme.

Kohët e fundit, ai nëpërmjet një banke private, ka tentuar transferimin e 1 milionë eurove jashtë vendit, me justifikimin për investime financiare, ndërkohë 500 000 Euro të tjera i ka vendosur në depozitë me afat.

Emërimi

Në qershor të vitit 2006, Ferdinand Shehu u emërua zëvendësdrejtor i Përgjithshëm pranë Agjencisë së Legalizimit, Urbanizimit dhe Integrimit te Zonave/Ndërtimeve Informale.

Deri në vitin 2010, ai mbajti këtë post, nga i cili do të shkarkohej për t’u emëruar në Drejtorinë Rajonale të ALUIZNI-t për Tiranën.

Ish-kreu i ALUIZNI-t, Shaban Memia, mori vendimin e shkarkimit të Shehut me motivacionin e mungesës së integritetit moral.

Motivacioni
Fshehja e të kaluarës e para vitit 1992 ka sjellë shkarkimin e Shehut. Referuar dokumenteve, nga ana e ALUIZNI-t bëhen me dije dy detaje të jetëshkrimit të ish-zëvendësdrejtorit të Përgjithshëm të ALUIZNI-t, të cilat nuk figuronin të shkuara në CV.

“Përmes manipulimeve në jetëshkrim, duke lënë jashtë tij një eksperiencë pune 4-vjeçare si hetues, në hetuesinë e rrethit të Vlorës (Urdhri nr.8, datë 22.8.1988 i Hetuesisë së Përgjithshme). Pa përfshirë këtu periudhën njëvjeçare të kryerjes se kursit, pranë Hetuesisë së Përgjithshme, gjithashtu e “fshirë” nga jetëshkrimi. Mungon në këtë jetëshkrim dhe detyra si efektiv në Ministrinë e Rendit Publik (shkresa nr. 272, datë 13.04.1992) në profilin e kriminalistikës”, thuhet në deklaratën e ALUIZNI-t.

Qeveria Berisha kishte rastin e parë të shkarkimit të një drejtori për shkak të fshehjes së të kaluarës së tij në kohën e komunizmit.