Ishte njëri nga më të kërkuarit, ja si u arrestua sot në Vlorë 31-vjeçari (EMRI)

Është finalizuar me sukses, operacioni i koduar “Lapardhaja”, ku si rezultat është kapur një i kërkuari, i dënuar me 15 vite burg.

Seksioni Kundër Narkotikëve i Policisë Vlorë në bashkëpunim me Patrullën e Përgjithshme dhe njësia Shigjetat, kanë bërë të mundur finalizimin e këtij operacioni, si rezultat i të cilit u kap në banesë, në fshatin Lapardha shtetasi: Sandër Likaj, 31 vjeç, banues në fshatin Lapardha, Vlorë.

31-vjeçari ka qenë i shpallur në kërkim, pasi Gjykata e Shkallës së Parë për Krimet e Rënda Tiranë e ka dënuar këtë shtetas me 15 vite burgim për veprat penale “Trafikimi i lëndëve narkotike” dhe “Grup i strukturuar kriminal”.

Në vitin 2009 është kapur nga Policia italiane një gomone me lëndë narkotike cannabis sativa dhe është shkatërruar një grup kriminal i përbërë nga 9 shtetas shqiptarë dhe 5 shtetas italianë.

Në atë periudhë ndaj shtetasit Sandër Likaj filloi procedimi penal dhe më pas nga përdorimi i metodave speciale të hetimit rezultoi se edhe ky shtetas ishte i përfshirë në këtë këtë grup kriminal dhe për këtë u bë shpallja në kërkim e tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern