Pas vendosjes së memorialit në liqenin artificial të Tiranës, për viktimat e grushtit të shtetit në Turqi, ka ardhur edhe reagimi i ish-ministrit të Drejtësisë Ylli Manjani.
Ai e quan budallallëk ngritjen e këtij memoriali dhe nuk e kursen ironinë në një postim të tijin në rrjetin social Facebook.
REAGIMI I PLOTE I ISH-MINISTRIT YLLI MANJANI
Memorial për të rënët Turq te grushti i shtetit të tyre?!
I vendosur në Tiranë?! Te kodrat e liqenit?!
Uau! Budallëk më të madh smë kishin zënë veshët.
Po cfarë duhet të kujtojmë ne nëpërmjet atij memoriali?! Erdoganin?!
A njeh dikush ndonjërin prej të vrarëve të paktën?
A ka qenë ndonjëri prej tyre ndonjëherë në Shqipëri? Verifikojeni TIMS! Kush e di, mbase gjendet ndonjë lidhje njerëzore.
Uaaaaa. Ç’budallëk!
Janë më martirë ata që vijnë në Shqipëri në kohë plazhi.
Le pastaj ata që vijnë të bëjnë bisnes. Heronj fare! Vijnë të investojnë e largohen me barrelë me kocka të thyera. Këto duhet të rikujtojmë vazhdimisht nëse duam të ndryshojmë këtë vend.
Po këto që u vranë në e për vendin e tyre çfarë duhet t’u kujtojmë?! Nuk i kemi njohur në të gjallë të tyre.
Le pastaj masakrën urbane që kanë bërë të kodrat e Liqenit. E mbushën me gurë e beton përkujtimor të të gjithë dynjasë…
Ndërkohë kot e kanë se të vetmen gjë që kujtojnë shqiptarët nga liqeni është Gjiri Kurvave…
