Hyri në shtëpi për të vjedhur kasafortën, arrestohet 42-vjeçari vlonjat

Policia e Himarës arrestoi një 42-vjeçar nga Vlora, i cili tentoi të vidhte kasafortën në banesën e një banori të qytetit.

I ndaluari G.V. në bashkëpunim me dy persona të tjerë provuan të grabisnin kasafortën e F.Q. në shtëpinë e këtij të fundit.

Grabitësit nuk ia dolën të merrnin sende me vlerë apo para. Dy personat e tjerë janë shpallur në kërkim nga policia.

Njoftimi i Policisë:

Tentohet të vidhet kasaforta e një një banese në Himarë, vihet në pranga një nga autorët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më datë 12.08.2019, Shërbimet e Policisë të Komisariatit Himarë kanë bërë arrestimin në flagrancë të shtetasit G.V., 42 vjeç, banues në Vlorë.

42 vjeçari dyshohet se në bashkëpunim me dy persona të tjerë ende të paidentifikueshëm, kanë tentuar të vjedhin në banesë kasafortën e shtetasit F.Q., por nuk kanë arritur të marrin asgjë.

Vazhdojnë hetimet për identifikimin dhe kapjen e bashkëpunëtorëve të tjerë të implikuar në këtë ngjarje.

Materialet iu referuan Prokurorisë për veprën penale ‘Vjedhje e mbetur në tentativë’ kryer në bashkëpunim’