Pas 14 orësh kërkime nga policia e Vlorës, është bërë e mundur gjetja e ciftit hungarez sot në orët e para të mëngjesit.
Dy turistët janë të moshës 35 dhe 40 vjeç dhe mësohet se ndodhen në gjendje të mirë shëndetësore.
Ata humbën mbrëmë në Karaburun dhe kontakti me ta u bë i pamundur për shkak se u ndërpre dhe sinjali i telefonit.
Ishin vetë ata që njoftuan policinë për ndihmë rreth orës 20:00 të mbrëmjes së të dielës, 25 gusht, pasi nuk e dinin më rrugën.
Pas kërkimeve gjatë gjithë natës ata janë lokalizuar në një çadër kampingu ku kishin kaluar natën.
