Gjykata vendos: Lihet në burg Mihal Kokëdhima

Gjykata e Vlorës ka dhënë masën e sigurisë për Mihal Kokëdhimën, pronarin e një lokali në Porto Palermo, i cili sulmoi një grup turistësh spanjollë dhe dy guidat e tyre. Trupi gjykues ka vendosur masën e “Arrest me burg” ndaj 51 vjeçarit.

Në dëshminë e tij, Kokëdhima ka deklaruar se nuk ka ushtruar dhunë mbi asnjërin prej personave që udhëtonin në mjetin, ku pronari i lokalit u hodh në kofano dhe theu xhamin. Ai ka thënë se përpara se ta bënte atë veprim, ka tentuar të njoftojë Policinë por që pretendon se nuk i është përgjigjur në telefon.

Kokëdhima shprehet se ka qenë iu paarmatosur dhe se vetëm një celular kishte me vete, ndërsa ka ngulmuar se e gjithë jehona që i është dhënë ngjarjes ka prapavijë politike. Avokatët e tij kërkuan lirimin kundrejt garancisë pasurore për Kokëdhimën, por gjykata vendosi që ai të qëndrojë në burg.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern