Një trup i pa jetë është gjetur sot paradite në një kanal në Sulaj të Fierit.
Mësohet se trupi i pa jetë i gjetur në vendin e quajtur “Kthesa e Hamilit” i përket 23-vjeçarit Florian Selimi.
Gjithashtu në afërsi të trupit të viktimës është gjetur edhe një makinë tip “Renault”, me gomë të hequr dhe kofano të hapur.
Dyshohet se i riu Florian Selimi është nxjerrë nga makina me forcë dhe gjatë një konflikti është goditur me thikë.
Ndërkohë policia ka hapur hetimet për zbardhjen e plotë të ngjarjes dhe deri më tani ka shoqëruar disa persona.
NJOFTIMI ZYRTAR I POLICISE
Sot rreth orës 07:00, në vendin e quajtur “Kthesa e Hamilit” është gjetur pa shënja jete shtetasi F.S, 23 vjeç. Nga veprimet e para hetimore dyshohet se 23-vjeçari ka ndërruar jetë si pasojë e plagës së marë nga goditja me një mjet të mprehtë(thikë), dyshohet gjatë një konflikti. Grupi hetimor po punon për zbardhjen dhe dokumentimin e kësaj ngjarje. Policia ka shoqëruar disa persona dhe po vijon puna për identifikimin dhe kapjen e autorit.
