“Furtunë” në administratë, kryebashkiaku socialist thyen urdhrin e Ramës, shkarkon 66 punonjës të Bashkisë

Kryetari i ri i Bashkisë së Selenicës, Pëllumb Binaj, menjëherë pas 10 ditësh pasi ka marrë detyrën, ka shkarkuar 66 punonjës.

Edhe pse kryeministri Edi Rama ka dhënë urdhër të prerë disa ditë më parë që askush nuk do të largohej nga puna në administratën e Bashkive që më parë drejtoheshin nga Partia Demokratike, mesa duket Binaj nuk është bindur.

Sipas Pëllumb Binajt kjo ndërprerje është bërë në bazë të një urdhëri të Kontrollit të Lartë të Shtetit.

Binaj sqaron se në janar të këtij viti raporti i KLSH-së ka vërejtur 66 punonjës me kontratë të pjesshme, që paguheshin me vetëm 12 mijë lekë të rinj në muaj, në raport KLSH ka theksuar ndërprerjen e kontrates pasi nuk zbatohej ligji mbi Kodin e Punës.

Binaj shton se urdhri i KLSH nuk u zbatua sipas kërkesës së KLSH që kishte lënë afat muajin mars 2019.

Kemi ndërprerë kontratën me këta punonjës ka thënë Binaj sipas kërkesës dhe raportit të KLSH-së.

Punëtoret e shkarkuar janë ata të ndërmarrjes së shërbimeve publike, kryesisht në pastrim dhe gjelbërim.