Fillon goditja e oligarkëve, Rama lajmëron mbylljen e Qendrës Tregtare në dalje të Tiranës

Kryeministri Rama vijon të reklamojë në facebook-un e tij goditjet që bëhen në kuadër të aksionit kundër anti informalitetit.

Këtë herë kreu i qeverisë ka bërë një listim të disa prej aksioneve më të fundit të strukturave tatimore ndaj bizneseve që nuk respektonin rregullat fiskal.

Në mesin e bizneseve dhe lokaleve shumë të mëdha dhe të njohura në qytete të ndryshme, Rama pa postuar edhe një foto nga qendra tregtare në dalje të Tiranës, Megatek.

Nuk ka shumë detaje, nëse kjo qendër tregtare është bllokuar, është gjobitur, apo thjesht është bërë një paralajmërim, por fakt është që Rama e ka përfshirë në listën e bizneseve që janë bërë pre e tatimorëve në aksionin e ditëve të fundit.

Kjo është hera e parë që ky aksion shkon në këtë shkallë biznesesh, pasi deri më tani ishte ndalur në restorante dhe hotele, kryesisht të vogla në bregdet.