Filloi puna sot, ja si do duket stadiumi i ri i Kukësit

Me marrjen e mandatit të kryebashkiakut të Kukësit, Safet Gjici ka filluar sot zyrtarisht nga puna për ndërtimin e stadiumit të ri në këtë qytet.

Impianti “Zeqir Ymeri” do i nënshtrohet një rikonstruksioni total dhe në fund do të jetë një stadium sipas standarteve mesatare europiane.

Projekti do të kushtojë 5 milionë euro, të cilat do të financohen nga qeveria dhe FSHF. Në fund të rikonstruksionit impianti kuksian do të ketë 8 mijë vende të ulura dhe do të jetë i përshtatshëm për zhvillimin e ndeshjeve europiane deri në fazën e grupeve të Champions ose Europa League.