EKSKLUZIVE/ Skandali se si UKT faturon abonentin që ka ndërruar jetë

Rovert. V ka ndërruar tashmë jetë. Por ndërkohë UKT i faturon ujë aforfe në miliona lekë. Kjo i ka ndodhur familjes ‘V’ që ka një apartament në rrugën “Lidhja e Prizrenit” në Tiranë.

Kryefamiljari është larguar nga Shqipëria në vitin 2006 dhe ka kërkuar mbylljen e kontratave me KESH dhe UKT. Ndërsa atëherë KESh, sot OSHEE ka ndërprere faturimin, ndërmarja e ujësjellësit ka vijuar të faturojë në vite abonentin për ujin që nuk e ka konsumuar kurrë, pasi u zhvendos drejt Kanadasë.

Në 2008 kryefamiljari Robert V. ndërron jetë. Bashkëshortja dhe i biri vijojnë jetën në Kanada, të qetë se i kanë mbyllur ligjërisht marrëdhëniet me ndërmarrjet publike.

Kur djali i familjes kthehet në Tiranë për të shitur banesën, njoftohet për një detyrim disa milionësh në faturën e ujit të pijshëm. Fast news albania disponon të gjitha dokumentet për këtë rast abuziv. (Kjo nuk e pengon UKT t’i faturojë ujin të ndjerit).

Pas një ankese pranë UKT, abonenti njoftohet se është faturuar për shkak se disa objekte të vjetra në Tiranë nuk kanë matësa të vendosur dhe faturohen aforfe mbi një sistem referimi për frymë ose një mesatare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Për këtë rast, faturimi për frymë është i padrejtë, pasi familja që duhet të paguajë borxhin që UKT i ka faturuar nuk jeton fare prej vitesh në Shqipëri dhe siç theksuam më lartë kryefamiljari nuk jeton më.

Ndërkohë UKT për 13 vite nuk ka bërë ndërprerje të furnizimit më ujë për shkak të mos pagesës së faturës, siç ligjërisht duhet të ndodhë (pas 3 muajsh nëse nuk paguhet, por ka faturuar deri në 3 mijë lekë të reja në muaj familjen në fjalë për mëse 1 dekadë, duke e vendosur abonentin përpara faktit të kryer për të paguar 2.48 milionë lekë të vjetra ujë të pijshëm.

Sipas deklarimeve të abonentit, ai pritet t’i drejtohet Prokurorisë për zhvatje, si dhe Avokatit të Popullit për shkeljet ligjore të mësipërme. Familja në fjalë ka fituar prej vitesh nënshtetësinë kanadeze dhe pritet që t’i drejtohet edhe ambasadës.