Një masakër e vërtetë po ndodh aktualisht në një nga zonat arkeologjike të qytetit të Durrësit.
Fadromat janë duke bërë punime në zonën muzeale të Kodrës në Durrës.
Një veprim tejet alarmant ky, pasi edhe pse kanë dalë disa rrënoja arkeologjike poshtë tokës, gërmimet nuk kanë ndalur.
Disa fotografi dhe një video kanë mbërritur në redaksinë e Fastnews Albania, ky qytetarët shprehen tepër të shqetësuar për këtë masakër arkeologjike që po ndodh në qytetin bregdetar.
Ajo që e bën akoma edhe më të dhimbshme këtë akt, është se policia që deri dje ka bërë ruajtjen e objektit për 24 orë, është tërhequr mbrëmjen e djeshme duke mbyllur kështu sytë edhe duke mos dhënë asnjë shpjegim për ngjarjen në fjalë.
Ende nuk ka një reagim as nga zyrtarët kompetentë që mbulojnë sektorin e mbrojtjes së zonave arkeologjike, por dihet që për aq kohë sa të gjithë të heshtin përpara një krimi të rëndë që i bëhet zonave historike të qytetit, çmenduria nuk do të ndalë ashtu si ka ndodhur edhe në raste të tjera në të kaluarën./ Fastnewsalbania
