Një ngjarje e rëndë ka ndodhur në Lushnje, ku mësohet se një 47-vjeçar në gjendje depresioni është hedhur nga pallati dhe si pasojë ka humbur jetën.
Policia bën me dije se ngjarja ka ndodhur rreth orës 18:45, në lagjen “Xhevdet Nepravishta”, ku dyshohet se është hedhur nga parmakët e shkallëve të një pallati shtetasi V.K, 47 vjeç.
Nga hetimet paraprake dyshohet se ky shtetas vuante dhe kurohej nga sëmundja e depresionit.
Në vendngjarje ka shkuar grupi hetimor dhe po punon për zbardhjen e ngjarjes.
