Një person ka humbur jetën rreth orës 19:00 mbrëmjen e kaluar pasi ka rënë aksidentalisht nga ura në fshatin Skuraj të Kurbinit.
Mësohet se viktima është Luigj Gjeloshi, 54 vjec, i cili ka rrëshkitur me makinë për ti shpëtuar urdhërit të policisë për të ndaluar, dhe si për pasojë ka rënë në lumin Mat duke humbur kështu jetën.
Një dëshmitar i cili është ndodhur në vendin e ngjarjes shprehet se 54-vjeçari po udhëtonte me familjen e tij me makinë, kur policia i ka kërkuar të ndalojë për të ushtruar një kontroll rutinë.
Sipas dëshmitarit 54-vjeçari ka lënë makinën dhe i është afruar punonjësit e policisë, por aksidentalisht ka renë në gropën e hapur pranë urës. Ura në fshatin Skuraj të Kurbinit nga pamjet duket se ka pësuar gërryerje të mëdha në bazamentin e saj. Banorë te zonës thonë se kanë janë ankuar disa herë për gjendjen e urës, por ende nuk është marrë asnjë masë.
