E kryer, Mançester Junajtid transferon mbrojtësin më të shtrenjtë në histori

Që çmimet në merkato kanë dalë nga kontrolli në 3 vitet e fundit kjo është një gjë që dihet, por që të paguhej 93 milionë euro për një mbrojtës nuk ishte imagjinuar ndonjëherë.

Pikërisht kaq është shumë e paguar nga Mançester Junajtid për të marrë në “Old Traford” mbrojtësin Herri Meguajër.

25-vjeçari anglez kalon nga Leicester dhe cilësohet si një nga më të mirët në botë për momentin.

Ai bëhet kështu mbrojtësi i blerë më shtrenjtë ndonjëherë në histori, duke rrëzuar nga froni Van Dajk, për të cilin para dy vitesh Liverpuli pagoi 85 milionë euro tek Sauthemton.