E kërkuan Kukësi dhe Partizani, ja ku ka zgjedhur të vazhdojë karrierën Valdet Rama

Valdet Rama ishte një nga lojtarët më të përfolur të kësaj merkatoje për ekipet shqiptare. Sulmuesi anësor u kërkua me insistim nga Kukësi dhe Partizani, por ai ka zgjedhur ta vijojë karrierën e tij në Gjermani.

Sikundër ishte shkruar dhe më herët, sulmuesi anësor që në gjysmën e dytë të sezonit u aktivizua me Kukësin dhe ku arriti të fitojë Kupën e Shqipërisë, tashmë është prezantuar te skuadra e SV Mepen, që militon në ligën e tretë të futbollit gjerman.

Rama hodhi poshtë të gjitha ofertat që iu paraqitën, pasi shfaqte mosbesim dhe në seriozitetin e klubeve shqiptare.