Pak orë më parë ish-kryeministri Sali Berisha denoncoi në facebook një sulm atentat që ishte bërë ndaj djalit të deputetit socialist, Spartak Braho. Sipas Berishës, Abër Braho ishte sulmuar nga dy persona dhe kjo gjë është konfirmuar edhe nga policia.
Në një reagim për RTV Ora, Drejtoria e Policisë së Durrësit, konfirmoi se ka pasur një konflikt fizik të Arbër Brahos me dy persona të tjerë, dhe shtojnë se nuk e kanë fshehur ngjarjen, pasi njoftimi është publikuar në faqen e Policisë së Shtetit.
“Nga ana jonë janë marrë të gjitha masat dhe po vazhdojmë me hetimin e ngjarjes“, tha policia. I biri i Spartak Brahos, Arbër Braho aktualisht është nënkryetar i bashkisë së Durrësit.
