Dy rinjtë nga Gramshi humbasin toruan, i bëjnë pritë policisë

Pasi ishin proceduar një ditë më parë dy të rinj nga Gramshi i janë futur një aventure, duke i bërë pritë një patrulle policie. Mësohet se të rinjtë nga Gramsh pasi i kanë zënë pritë dhe kanë tentuar të rrahin një punonjës policie, por çdo gjë iu shkoi huq, duke u arrestuar

Sipas informacioneve paraprake, bëhet me dije se dy të rinjtë, E.SH dhe shoku i tij me inicialet K.B përkatësisht 25 e 24 vjeç janë arrestuar pasi i kanë zënë pritë dhe kanë dashur të rrahin një punonjës policie, i cili kishte shoqëruar mbrëmjen e djeshme në Komisariat 25 vjeçarin me inicialet E.SH.

Shtetasi me inicialet E.SH ishte shoqëruar dje në Komisariatin e Gramshit pas një sherri me disa persona të tjerë gjatë një feste të organizuar nga Bashkia e këtij qyteti, por më pas është lënë i lirë.

Menjëherë në ndihmë të efektivit të zënë në pritë ka shkuar patrulla e Përgjithshme e Policisë, dhe ka arrestuar në flagrancë dy të rinjtë.