Dy punëtorë humbën jetën nga shembja e skelave, në pranga dy persona, një në kërkim

Dy persona janë arrestuar, ndërsa një tjetër është shpallur në kërkim për ngjarjen e rëndë të ndodhur dje rreth orës 15:00 në Tiranë, ku nga rrëzimi i skelës, 2 persona mbetën të vdekur dhe 3 të plagosur. Policia njofton se janë arrestuar në flagrancë për “Shkelja e rregullave të mbrojtjes në punë”, dy drejtues teknikë, ndërsa është shpallur në kërkim administrator i kompanisë së skelave.

Gjithashtu, për këtë ngjarje filloi procedimi penal për veprën penale “ Shpërdorimi i detyrës “, për punonjësit e Inspektoratit të Punës Tiranë, pasi ata nuk kanë ushtruar detyrën për kontrollin e masave të sigurisë në punë në pallatin, ku ndodhi aksidenti. Paralelisht po vazhdon puna për dokumentimin ligjor për këta punonjës.

Ngjarja ndodhi në rrugën “Faik Konica”, ku humbën jetën shtetasit E.B., 31 vjeç, si dhe shtetasi O.K, 36 vjeç.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern