“Duam 50 mijë euro ose do të vrasim familjen”, arrestohen 3 vëllezërit gjobëvënës nga Tirana

Policia ka arrestuar mëngjesin e sotëm tre vëllezër në Tiranë pasi akuyohen se kanë tentuar të marrin nga një person në formë gjobe shumën prej 50 mijë eurosh duke kërcënuar atë dhe familjen e tij.

Burime nga policia bëjnë me dije se në vijim të punës për parandalimin e ngjarjeve të rënda kriminale ndaj jetës dhe pronës, Sektori i Krimeve të Rënda ndaj Jetës dhe Pronës në DVP Tiranë, nën drejtimin e Prokurorisë pranë Gjykatës së Shkallës së Parë për Krime të Rënda Tiranë, është  finalizuar me sukses operacionin “BROTHERS“, si rezultat i të cilit u kapën dhe ndaluan shtetasit: Xhekson Titini, 23 vjeç, Eugen Titini, 32 vjeç, Aleks Titini , 32 vjeç, të tre lindur në Dibër dhe banues në Tiranë

Nga hetimet e deritanishme ka rezultuar se këta shtetas në bashkëpunim me njëri-tjetrin, kanë tentuar t’i marrin në formë gjobe një shumë prej 50 mijë euro një shtetasi, nëpërmjet kërcënimeve të vazhdueshme për jetën e tij dhe të familjarëve.

Materialet do t’i kalojnë për ndjekje të mëtejshme Prokurorisë pranë Gjykatës së Shkallës Parë për Krime të Rënda, për veprat penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern