LIGJET E BIZNESIT
Në një deklaratë për mediat, kreu i Partisë Demokratike, Lulzim Basha është ndalur të flaës për zhvillimet më të fundit politike.
Nga selia blu, pas takimit me ambasadorin e ri të Gjermanisë, Basha ka komentuar vendimin e Porkurorisë së Përgjithshme për të tranferuarr dosjen “184” në Dibër. Ai ka bërë një krahasim të Arta Marku dhe Donika Prela me kryeprokuroren e Maqedonisë së Veriut, Katica Janiva e cila u arrestua dje për shkak se akuzohet si e përfshirë në skandalin “Zhvatja”.
“Arta Marku dhe Donika Prela janë Katicat e Edi Ramës. Marku dhe Prela të ndiqen penalisht për shpërdorim detyre. Prokuroria po mbulon një vepër të rëndë kriminale. Prokuroria po vepron si grup i strukturuar kriminal me Rilindjen. Çështjen për vjedhjen e votave e ka marrë vesh gjithë bota. Çështjen për vjedhjen e votave e ka marrë vesh gjithë bota”, tha Basha.
Ai u ndal të fliste edhe për denoncimin që ka bërë sot në mëngjes PD, se kryebashkiaku i Vorës ka qenë i dënuar në Greqi.
“Rama e dinte për Agim Kajmakun, përsëri e zgjodhi për kandidat. Agim Kajmaku ka dosje të hapur penale”, tha Basha.
