Dosja 184/ Tërhiqen Krimet e Rënda, hetimet kalojnë në Dibër

“Nuk kemi kompetencë”. Është ky qëndrimi që ka mbajtur Prokuroria për Krime të Rënda ndaj dosjes 184, duke hequr dorë prej saj. Pas këtij vendimi, dosja në fjalë i kalon për hetim Prokurorisë së Dibrës.

Por edhe këtu procesi nuk është i lehtë. Pasi drejtuesja e Prokurorisë së Dibrës ka konflikt interesi dhe në këto kushte, duhet të caktohet një prokuror. Gjithsesi, burime nga ky institucion konfirmojnë se dosja është marrë dosjen në dorëzim, e ka regjistruar atë dhe pritet të përcaktojë edhe prokurorin që do të kryejë hetimet.

Dosja 184 është e njohur si dosja e përgjimeve për zgjedhjet e pjesshme vendore në Dibër, në të cilën eksponentë të Partisë Socialiste rezultuan në përgjimet e të përditshmes gjermane “Bild” në skemën e shitblerjes së votës.