Do aplikoni për kartë identiteti ose pasaportë biometrike? Ka një njoftim të rëndësishëm për ju

Një njoftim i rëndësishëm vjen për të gjithë personat që duan të aplikojnë për karta identiteti dhe pasaporta biometrike.

Bëhet me dije se të gjitha zyrat e aplikimit për ID dhe pasaporta biometrike do të jenë të hapura edhe të shtunën në të gjithë vendin.

Zv.ministrja e Brendshme Rovena Voda i ka bërë thirrje të gjithë personave që të aplikojnë në kohë për karta identiteti apo pasaporta biometrike, duke shmangur kështu rradhët e gjata.

“Me një urdhër të Drejtorit të Policisë së Shtetit për t’u ardhur në ndihmë qytetarëve por edhe emigrantëve, të cilët kanë ardhur për të aplikuar për pasaporta biometrike, çdo të shtunë tashmë, zyrat e shërbimit të qytetarëve janë të hapura dhe qytetarët mund të shkojnë dhe të aplikojnë, edhe jashtë orarit zyrtar.

Gjithashtu, do të thoja që duke filluar që nga e shtuna që shkoi, përfshirë këtu edhe ditën e hënë që ishte ditë pushimi, por në fakt ishte një ditë pune për zyrat e Gjendjes Civile dhe zyrat e aplikimit për karta identiteti dhe pasaporta biometrike, çdo zyrë e Gjendjes Civile do të jetë e hapur dhe çdo zyrë e aplikimit për karta identiteti dhe pasaporta biometrike do të jenë të hapura.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Thirrja ime për qytetarët do të jetë, ju lutem vazhdoni të aplikoni jo vetëm për pasaporta biometrike, por edhe për karta identiteti pasi që nga muaji tetor, nëse ju nuk do të keni edhe kuponin e aplikimit për kartën e re të identitetit, do të jetë shumë e vështirë që t’ju ofrohet një shërbim me kartën e vjetër.

Ndaj ju lutem aplikoni në kohë, shmangni radhët!”