“Çmenden” pronarët e lokalit në Borsh, dhunojnë turistët spanjollë pasi nuk pëlqyen ushqimin

Një situatë aspak e zakontë ka ndodhur sot në plazhin e Borshit, ku një grup turistësh janë sulmuar nga pronari i një lokali.

Mësohet se turistëve nuk u ka pëlyer ushqimi dhe kanë tentuar të largohen pa paguar faturën.

Mirëpo ky gjest i tyre duket se nuk është pritur mirë nga pronarët të cilët i kanë goditur me grushta dhe kanë nxjererë mjete të forta në tentativë për ti goditur.

Pronarët e lokalit kanë tentuar të thyejnë dhe xhamin e furgonit por mjeti ka arritur që të largohet deri në vendin e quajtur “Volloder” , ku është pikasur nga një furgon i FNSH-së.

Mësohet se grupi i përbërë nga 5 turistë spanjollë ndodhen në spital, pasi kanë marrë disa lëndime në trup, e ndërsa forca të shumta të policisë së Himarës, Sarandës dhe FNSH-ja janë vënë në ndjekje të autorëve.