Kryedemokrati, Lulzim Basha ka vijuar sot turin e takimeve në rrethe.
Sot Basha është ndalur në qytezën e Roskovecit, nga ku ka dhënë sërish mesazhe të forta kundër qeverisë dhe kryeministrit Rama.
Basha më tej ka thënë se Valdrin Pjetri është kapur në shkelje ligjore dhe është marrë në mbrojtje nga kryeministri Rama.
Më poshtë postimi i plotë i Bashës:
Krimi dhe Edi Rama janë të pandashëm. Që të largojmë krimin duhet të largojmë Edi Ramën!
Çdokush që ka iluzionin se me Edi Ramën në krye të qeverisë mund të ketë zgjedhje të lira e të ndershme, duhet të ekzaminojë kujtesën dhe të shohë faktet! Shikoni pseudobashkiakët e rinj: Valdrin Pjetri ka fshehur të dhënat mbi të kaluarën e tij dhe duhet të ndiqet penalisht. Por Hajduti e kandidoi dhe tani urdhëron prokurorinë e korruptuar ta mbrojë nga ligji i dekriminalizimit.
Po kështu janë edhe pjesa tjetër. Shqipëria ka mjaft pasuri natyrore, ka pyje, lumenj, ujë, det dhe një pozitë gjeografike të jashtëzakonshme. Me këto pasuri çdo shqiptar duhej të ishte i pasur. Por Hajduti vendosi që këto pasuri t’i grabiste për vete dhe për një grusht klientësh. Pasuritë minerale dhe nafta që mbanin dikur gjithë ekonominë, janë sot në duart e klientëve të Ramës! Bregdetin ua ka vjedhur qytetarëve dhe ia ka dhënë dhuratë me vendime speciale oligarkëve, që kanë ndërtuar në toka të vjedhura buzë detit. Duan të shkatërrojnë turizmin dhe ekonomitë e vogla familjare dhe të pasurojnë klientët e tyre.
85 % e shqiptarëve e kanë kuptuar këtë dhe janë bashkuar sot me shumicën kombëtare “Rama ik”. Ne do të luftojmë që kjo shumicë të vendosë me zgjedhje të lira dhe të ndershme dhe bashkë t’i prijmë betejës për ndryshimin e thellë ekonomik dhe politik.
