Basha flet hapur, këto janë tre sektorët ku po pastrohen paratë e drogës

Kryetari i Partisë Demokratike, Lulzim Basha në daljen e tij para medieve sot ka qenë shumë i ashpër në fjalën e mbajtur.

Kryedemokrati ka folur me akuza shumë ta ashpra për aferat korruptive, që sipas tij me Ramën kanë mbytur shtetit.

Sipas Bashës, ndërtimet në Tiranë, resortet luksoze në bregdet dhe koncesionet janë tre sektorët ku po bëhet një pastrim masiv i parave të drogës që është prodhuar dhe shitur në këto 6 vite.

“Nga ndërtimet që Edi Rama kërkon të bëjë në truallin e Teatrit, 6 kullat 200 milionë euro, në bashkëpunim me mafian shqiptare-spanjolle- kolumbiane, tek ndërtimet e tjera në qendër të Tiranës, janë të financuara direkt apo indirekt nga paratë e drogës. Një sërë ndërtimesh të mëdha, të planifikuara në Tiranë që nuk janë bërë ende të njohura për qytetarët, janë planifikuar me para të ardhura nga droga. Projektet e resorteve turistike në bregdet, mbi pasuritë e vjedhura publike dhe private, janë, gjithashtu, projekte me financim të drogës. Një pjesë e mirë e koncesioneve, që po jep Edi Rama janë, gjithashtu, mekanzima për riciklimin e parave të drogës.”- tha Basha.