Balla mban larg Pjetrin: Përgjegjësia është tërësisht personale

Pas mbledhjes së kryesisë së PS, para medieve ka folur edhe sekretari i përgjithshëm i partisë, Taulan Balla.

Në fjalën e tij të shkurtër para medieve, Balla u shpreh se tashmë ka filluar procesi i ringritjes së Partisë Socialiste në Shkodër,

Ai tha se do të bëhet një riformatim i thellë që do të ndiqet me kujdes hap pas hapi.

“Të ndërmarrim një hap të rëndësishëm rigjenerimi. Ringritja dhe rigjenerimi do të ketë një fokus të veçantë në Shkodër. Rezultatet politike tonat në disa palë zgjedhje nuk kanë qenë ato të dëshiruara. Do të kemi një vëmendje të veçantë për ta ndjekur me vëmendje procesin e riformatimit të PS në Shkodër”, deklaroi Sekretari i Përgjithshëm i PS, Taulant Balla.

Më tej në fjalën e tij Balla mohoi edhe përgjegjësinë kolektive të Partisë Socialiste dhe foli për përgjegjësi të plotë personale.

“Përgjegjësi tërësisht personale, ndaj Kryeministri e ka ngritur si domosdoshmëri që këtë përgjegjësi personale të personave që nuk deklarojnë të shkuarën e tyre ta ashpërsojmë përmes mekanizmave ligjorë”, vijoi Balla.