LIGJET E BIZNESIT
Ditën e sotme gjykata ka dhënë masen e sigurisë “Arrest me burg” për Mihal Kokëdhimën, pronarin e restorantit “Panorma” në Himarë, i cili dhunoi një grup turistësh spanjollë disa ditë më parë.
Dy avokatët e Kokëdhimës, Kujtim Cakrani dhe Arjon Besimaj kanë kundërshtuar vendimin e gjykatës duke thënë se vendimi ka qenë me kontekst politik dhe se shoferi i furgonit ka qenë nën e fektin e lëndëve narkotike.
Në një lidhje me skype për Fax News, Cakrani tha se nëse video shikohet me kujdes, Kokëdhima është ai që i thotë drejtuesit të mjetit që sipas tij ka qenë nën efektin e lëndëve narkotike të ndalonte sepse po e shtypte, ndërkohë që shton se ka kërkuar prej tyre që të merren vesh.
“Duam të sqarojmë opinion publik për një video që nuk tregon asgjë përveçse një person që thërret, “ndaloni se më shtypët”. Sot shtetasit dhe qytetarit Mihal Kokëdhima I është bë një gjyq special dhe publik. Nuk ka qenë një process gjyqësor bazuar në rrethana fakti dhe provash, por ka qenë një vendim politik si nga ana e prokurorëve. Gjyqi politik ka filluar që prej 2 ditësh kur Klosi ka shkuar dhe ka takuar 2 turistë që për mua nuk janë tursitë pa ditur rrethanat e ngjarjes. Ata kanë treguar se nuk janë turistë por aventurier. Ata që kanë qenë aty, shoferi i mjetit ka qenë i dehur dhe nën efektin e lëndëve narkotike. Nëse do të merrej në pyetje do të zbulohej e vërteta dhe ngjarja nuk do të merrte këtë rrjedhë. Vendimi që u mor sot tregon se drejtësia ka marrë fund. Nëse ajo video shikohet me kujdes, shikohet Kokëdhima që thotë ‘ndaloni se po më vrisni, të flasim çfarë ka ndodhur’. Megjithatë vetë ministry ka dëmtuar rëndë interesat e shtetasit të vet si biznesmen i nderuar. Edhe kryeministri ka folur me një gjuhë urejtjeje. Sot Gjykata vulosi atë që ka thënë Rama për Kokëdhimën. Kjo është një ngjarje që do të sqarohet, sepse kjo video është nxjerr nga konteksti”, tha Cakrani.
Ndërkohë avokati tjetër, Arjon Besimaj tha se sot gjykata ka legjitimuar fjalët që ka thënë kryeministri për Kokëdhimën. Ai thekson se masa e “Arrest me burg” është masa më e lartë e sigurisë. Por që duhet tha ai të përmbush disa kritere që të mërret një masë e tillë.
“Duhet të ketë dyshime për prishje të provave, ikje nga vendi etj, në të gjitha këto raste, Kokëdhima nuk është një person që mund ti konsumoje këto sjellje. Do e dërgojmë çështjen edhe në Apel nëse vendimet do të merren jo në përputhje me ligjin, jo vetëm në Apel por në të gjitha institucionet përkatëse. Arrestimi i tij është i paligjshëm. Nuk janë bërë analizat mjekësore ndaj personave që kanë pretenduar se janë dhunuar. Ne do të presim të gjitha proceset ligjore që do të ndërmerren ndaj tij. Duke parë vendimet e gjykatës do të bëjmë padi ndaj saj për shkak të mos shqyrtimit të fakteve material”, tha Besimaj.
